Top 14 | გელა აფრასიძე ნახევარფინალური მატჩის საუკეთესო მოთამაშედ დასახელდა
საფრანგეთის ელიტური საკლუბო სარაგბო ჩემპიონატი დასასრულს უახლოვდება. 24 ივნისს, ტოპ 14-ის ფინალში, ლევან ჩილაჩავას "კასტრი" გელა აფრასიძისა და მიხეილ ნარიაშვილის "მონპელიეს" დაუპირისპირდება. “მონპელიესა” და “ბორდოს” ნახევარფინალური დაპირისპირება, საკმაოდ დაძაბული გამოდგა. “მონპელიემ” მოწინააღმდეგე 19:10 დაამარცხა და ფინალური საგზური მოიპოვა. გელა აფრასიძე მატჩში მარქაფიდან, იმ დროს ჩაერთო, როდესაც “მონპელიე” მხოლოდ 3-ქულიანი სხვაობით (13:10) იმარჯვებდა. “ბორჯღალოსანთა” და “მონპელიეს” 9-იანმა 55 და 57 მეტრიდან ორი წარმოუდგენლად ლამაზი ჯარიმა გაიტანა და ტაბლოზე საფინალო ანგარიში (19:10) დააფიქსირა. აფრასიძის ზუსტად შესრულებული საჯარიმო დარტყმები, პრაქტიკულად ყველა სარაგბო პორტალის განხილვის თემად იქცა. გელა აფრასიძის გარჯას ამაოდ არ ჩაუვლია, საქართველოს მორაგბეთა ეროვნული ნაკრებისა და "მონპელიეს" 9-იანი ნახევარფინალური მატჩის საუკეთესო მოთამაშედ დასახელდა.
✨ ✨ Vous avez élu ✨ ✨ notre demi de mêlée Gela Aprasidze auteur de deux pénalités de 57 mètres et 59 mètres ! #TeamMHR ⚪ #CisteDuMatch pic.twitter.com/xYYFxUwd8O — Montpellier Rugby (@MHR_officiel) June 20, 2022
#DemiesTOP14 Gela Aprasidze, l'homme au pied d'or pic.twitter.com/wRfx3QoPnp — TOP 14 Rugby (@top14rugby) June 20, 2022
სხვა სტატიები
