თორნიკე შენგელიას ორმაგი დუბლი | ვირტუსმა ბასკონია დაამარცხა

ევროლიგის მე-15 ტურის შეხვედრაში "ვირტუს ბოლონია" "ბასკონიას" შეხვდა, მატჩი ქულა ქულაში მიმდინარეობდა, მაგრამ საბოლოოდ უილ კლაიბერნის ბოლო წამზე ჩაგდებული სამქულიანით გამარჯვება ბოლონიელებს დარჩათ - 81:82.

თორნიკე შენგელიამ კარგი შეხვედრა ჩაატარა, მან 31:21 წუთი ითამაშა, ამ დროში კი მან ორმაგი დუბლი შეასრულა - 16 ქულა, 10 მოხსნა, 3 შედეგიანი გადაცემა და 2 ჩაჭრა. აღსანიშნავია ის ფაქტიც, რომ ქართველი კალათბურთელი შეხვედრაში ერთადერთი იყო ვინც ორმაგი დუბლი შეასრულა.

მატჩში საუკეთესო მექულე უილ კლაიბერნი იყო, რომელმაც 23 ქულა ჩააგდო, 19 ქულა ჰქონდა ნიკოლაოს როგკავოპულოსს.

"ვირტუს ბოლონიას" ევროლიგაში 3 მოგება და 12 მარცხი აქვს და ბოლოსწინა მე-17 პოზიციაზეა. მომდევნო შეხვედრას ქართველი კალათბურთელის გუნდი 15 დეკემბერს, 22:00 საათზე "ტრიესტეს" წინააღმდეგ ჩაატარებს.