"საქართველოსთან ერთად ევრობასკეტზე თამაშს მოუთმენლად ველი" - კამარ ბოლდუინი

საქართველოს ეროვნული საკალათბურთო ნაკრებისა და ბასკონიას გამთამაშებელი, კამარ ბოლდუინი ტრავმის შემდეგ დაბრუნდა და ესპანურ კლუბთან ერთად პირველი მატჩი ჩაატარა.

ტრავმით გამოწვეული 2-თვიანი იძულებითი პაუზის შემდეგ, ბოლდუინი ბარსელონასთან გამართულ მატჩში დაბრუნდა და პარკეტზე 15 წუთი გაატარა, რა დროშიც 4 ქულის, 2 მოხსნისა და 2 შედეგიანი გადაცემის დაგროვება შეძლო. მატჩის დასრულების შემდეგ, ბოლდუინი ადგილობრივ მედიას ესაუბრა, სადაც სხვადასხვა საინტერესო თემასთან ერთად, საქართველოს ნაკრებსაც შეეხო.

შეგახსენებთ, რომ ტრავმის მიღებამდე კამარ ბოლდუინმა საქართველოს ნაკრებში მხოლოდ 2 მატჩის ჩატარება მოასწრო და 45 ქულის, 13 მოხსნისა და 11 შედეგიანი გადაცემის დაგროვება შეძლო.