თელ ავივის გრანდ სლემი: დასკვნითი (III) დღე - ვარსკვლავების იმედად | პრევიუ
2 წლის წინ
ქართული სპორტი
3 წთ
-90 კგ
-90 კგ წონით კატეგორიაში საქართველოს ნაკრების ღირსებას უშანგი მარგიანი დაიცავს. უშანგი განთესილი არ იქნება და მონაწილეობას C ბადეში მიიღებს. ქართველი ფალავნის მეტოქე პირველ ეტაპზე აზერბაიჯანელი - რუფატ ისმაილოვი იქნება. აზერბაიჯანული ბარიერის დაძლევის შემთხვევაში კი მარგიანი სერბ მსოფლიო ჩემპიონ - ნემანია მაიდოვს დაუპირისპირდება. თუ უშანგი შეძლებს და მსოფლიო ჩემპიონსაც დაამარცხებს, 1/4 ფინალში ისრაელის წარმომადგენელ - ლი კოჩმანს დაუპირისპირდება.-100 კგ
-100 კგ წონით კატეგორიაში ორი წარმომადგენელი გვეყოლება: ილია სულამანიძე და ონისე სანებლიძე. ორივე ქართველი განთესილი იქნება, რაც იმას ნიშნავს, რომ ასპარეზობაში მეორე ეტაპიდან (1/8 ფინალიდან) ჩაერთვებიან. ონისე სანებლიძე B ბადეში მიიღებს მონაწილეობას, ილია სულამანიძე კი C-ში იქნება განთესილი. ონისე სანებლიძე ასპარეზობას 1/8 ფინალიდან დაიწყებს და მისი მეტოქე ამერიკელ - ლ.ა სმიტ III-სა და ბრაზილიელ - უილიამ ჯუნიორს შორის გამარჯვებული იქნება. წესითა და რიგირ, ონისე სანებლიძედ 1/4 ფინალში გასვლა არ უნდა გაუჭირდეს, სადაც მას მეტოქედ, ნიდერლანდელ - მიშელ კორელსა და ყაზახ - ისლამ ბოზბაიევს შორის გამარჯვებული შეხვდება. რაც შეეხება ილია სულამანიძეს, ილია ასპარეზობას 1/8 ფინალიდან დაიწყებს და მისი მეტოქე, ისრაელი წარმომადგენელ - სტანისლავ ბანჩუკსა და ყაზახ - იერკანატ მოლდაგულოვს შორის ბრძოლაში გაირკვევა. ექსპერტების აზრით, ილია სულამანიძე -100 კგ წონითი კატეგორიის ერთ-ერთი მთავარი ფავორიტი იქნება და ნახევარფინალამდე გასვლა არ უნდა გაუჭირდეს. 1/4 ფინალში სულამანიძის სავარაუდო მეტოქე, გერმანელ - კარლ რიჩარ ფრეისა და რუმინელ - ედუარდო სერბანს შორის გამარჯვებული იქნება.+100 კგ
+100 კგ-ში, საქართველოს დროშის ქვეშ: გურამ თუშიშვილი და ონისე ბუღაძე იჭიდავებენ. ორივე ქართველი განთესილი იქნება, რაც იმას ნიშნავს, რომ ორივე მათგანი ასპარეზობას 1/8 ფინალიდან იწყებს. ონისე ბუღაძე წარმოშობით ქართველ, აზერბაიჯანის სახელით მოასპარეზე ვეტერან - უშანგი კოკაურს დაუპირისპირდება და 1/4 ფინალის საგზურის მოპოვებას შეეცდება. თუ ბუღაძე 1/4 ფინალში გასვლას შეძლებს, მისი მეტოქე, უკრაინელ - იაკიმ ხამოსა და ფრანგ - იოსეპ ტერგეცს შორის გამარჯვებული იქნება. რაც შეეხება მსოფლიო ჩემპიონ - გურამ თუშიშვილს, გურამი D ბადეში მიიღებს მონაწილეობას და მისი 1/8 ფინალში, მისი მეტოქე, უზბეკი - ბეკმუროდ ოლტიოევი იქნება. უზბეკური ბარიერის დაძლევის შემთხვევაში, ქართველი მსოფლიო ჩემპიონი, 1/4 ფინალში, ნიდერლანდელ - როი მეიერს შეხვდება. წინასწარი შეხვედრები თბილისის დროით 13:25, ხოლო ფინალური ბლოკი 19:00 საათზე დაიწყება.
სხვა სტატიები
