"კვარა გუნდში საუკეთესო ფეხბურთელის სტატუსით მოდის" - ფრანგი ჟურნალისტის მოლოდინი ტრანსფერთან დაკავშირებით
4 საათის წინ
ქართული სპორტი
1 წთ
RMC Sport-თან ინტერვიუში, საფეხბურთო ჟურნალისტი დანიელ რიოლო ხვიჩა კვარაცხელიას "პსჟ-ში" მოახლოებულ ტრანსფერს ეხმაურება და ამბობს, რომ ის გუნდის საუკეთესო ფეხბურთელი გახდება.
"კვარაცხელია? ის ყველაზე კარგი ფეხბურთელია, მათ შორის, ვინც მას "პსჟ-ში" დახვდება. ერთ მხარეს კვარაცხელია, მეორე მხარეს დემბელე, ცენტრში კი ცრუ ცხრიანი დაგვჭირდება, რომელიც შესაძლებელია ლი გამოდგეს.
ნებისმიერ შემთხვევაში, მოიძებნება ვინმე, ვინც ამ პოზიციას დაიკავებს. სამი ნახევარმცველი და კვარა და დემბელე ფლანგებზე. თუ კვარაცხელია აქ ახალი ეტაპის დაწყების მოტივაციით მოდის და იმ დონეზე თამაშს აპირებს, რომელიც "ნაპოლიში" სადებიუტო სეზონში შემოგვთავაზა, ან ის რაც მე გასულ ევროპის ჩემპიონატზე ვნახე, მაშინ გარწმუნებთ, რომ ძალიან კარგი ფეხბურთელის გადმოსვლის მომსწრენი ვხდებით", - ამბობს დანიელ რიოლო.
უდიდესი ალბათობით, საქართველოს ნაკრების 23 წლის ვარსკვლავი, უახლოეს პერიოდში "პსჟ-სთან" კონტრაქტს ხელს მოაწერს და გუნდის წევრი ოფიციალურად გახდება.
სხვა სტატიები
