FIFA-მ ხვიჩა კვარაცხელიასთან ინტერვიუ ჩაწერა და ბევრ საინტერესო დეტალზე გამახვილდა ყურადღება

2 თვის წინ ქართული სპორტი

2 წთ

ხვიჩა კვარაცხელიამ 23 წლის ასაკში ბევრს მიაღწია, ქართველმა გარემარბმა თავისი ერი და კლუბი "ნაპოლი" ახალ სიმაღლეებზე აიყვანა. ის ოცნებობს, რომ მსოფლიო ჩემპიონატის საკვალიფიკაციო ეტაპზე "რაღაც განსაკუთრებულს" მიაღწიოს. კვარასტელა, კვარადისიაკო, კვარადონა, ხვიჩა კვარაცხელიამ იტალიაში გადასვლის შემდეგ ბევრი ზედმეტსახელი მოიპოვა, ეს იმის მიმანიშნებელია, რომ გულშემატკივრებს მისდამი პატივისცემის გამოხატვა სურთ.

ბოლოს და ბოლოს, 2022 წელს "ნაპოლიში" გადასვლისთანავე გუნდი ისტორიულ მესამე სკუდეტომდე მიიყვანა, რომელიც ბოლოს დიეგო მარადონასთან ერთად 33 წლის წინ იზეიმეს. შემდეგ კი საქართველოსთან ერთად UEFA EURO 2024-ზე მიიღო მონაწილეობა, სადაც საუკეთესო 16 გუნდში მოხვედრაც მოახერხა.

ამ მიღწევებმა 23 წლის ფეხბურთელი კლუბისა და ქვეყნის გმირად აქცია, მაგრამ გარემარბს მეტის გაკეთება სურს. კვარაცხელიამ FIFA-სთან ისაუბრა თავის ოცნებებზე საქართველოს მსოფლიო ასპარეზზე, ნაპოლის ევროპულ აღიარებაზე, ანტონიო კონტესთან მუშაობაზე, მამად გახდომაზე და ა.შ. - FIFA კვარაცხელიაზე

ჩემი ცხოვრება მთლიანად შეიცვალა! უცებ დიდი პასუხისმგებლობა ვიგრძენი. ჩემი შვილის დაბადებამ უდიდესი ბედნიერება მომიტანა და ახლა ყველაფერს სხვანაირად ვუყურებ. ყოველდღე ბედნიერი ვიღვიძებ და ვფიქრობ, რომ ეს ბედნიერება ცხოვრებაში ყველამ უნდა განიცადოს. - ხვიჩა კვარაცხელია

უცებ კიდევ უფრო მოტივირებული გავხდი. ამის შემდეგ თქვენ იწყებთ კიდევ უფრო მეტ შრომას, რადგან იცით, რომ ყველაფერი, რასაც აკეთებთ, არის თქვენი შვილისთვის. ვიცი, რომ როდესაც ჩემი შვილი გაიზრდება ამ ყველაფერს დაინახავს, ​ და ეს ძალიან მახარებს, ძნელია ამის სიტყვებით გადმოცემა. ეს ემოციები მაძლიერებს. ვცდილობ, ეს გრძნობა მოედანზე გადავიტანო და ამიტომ ჩემს გოლებს მას ვუძღვნი. იმედი მაქვს, რომ ის მომავალში ფეხბურთელი გახდება. - ხვიჩა კვარაცხელია

უპირველეს ყოვლისა, მინდა ვასწავლო, რომ იყოს ძლიერი. ცხოვრება სავსეა გაჭირვებით, მაგრამ თქვენ უნდა იპოვოთ გზა მათ გადასალახად და როდესაც დაეცემი თავი ყოველთვის უნდა აწიოთ.

მე მინდა, რომ მან ყველა დაბრკოლება გადალახოს და ყოველთვის იყოს მზად, რომ ცხოვრებაში ყველა გამოწვევას გაუმკლავდეს. მე არ მაქვს სხვა კონკრეტული რჩევა, რასაც მას მივცემდი. ჩემი გზა საკმაოდ რთული იყო და თითოეულ გამოწვევას მიზანმიმართულად და მონდომებით გავუმკლავდი. ბედნიერი ვარ იმ გზით, რომელიც ჩემს ცხოვრებაში აქამდე გავიარე. - ხვიჩა კვარაცხელია

ხვიჩა კვარაცხელია - თავის მეუღლესთან და შვილთან ერთად

ყოველთვის ვოცნებობდი გავმხდარიყავი პროფესიონალი ფეხბურთელი, მაგრამ თავიდან ეს რეალური არ ჩანდა. როდესაც საქართველოს ნაკრების თამაშის საყურებლად წავედი, ვერასოდეს წარმოვიდგენდი, რომ ერთ დღეს მოედანზე თავად გამოვიდოდი და დავინახავდი თუ როგორ მიჭერენ მხარს ტრიბუნებიდან სხვა ბავშვები. მივხვდი, რომ ცხოვრებაში ყველაფერი შესაძლებელია, თუ რაღაცის გაკეთება გინდა და ამის რწმენა გაქვს, ყველაფერი გამოვა. ოცნებები ახდება. ხვიჩა კვარაცხელიამ ოცნება აიხდინა - გამხდარიყო ფეხბურთელი და თავისი ქვეყნისთვის ეთამაშა. - ხვიჩა კვარაცხელია

მინდა რაღაც განსაკუთრებული გავაკეთო ჩემი ქვეყნისთვის. როცა ვუყურებ რასაც ამ მომენტში ვაკეთებ, მჯერა, რომ ეს საქართველოს ეხმარება და ამით ასევე საქართველო მეხმარება მე. უზომოდ ვამაყობ, რომ ქართველი ვარ. მადლობა ღმერთს, რომ საქართველოში დავიბადე და ამ ისტორიული ქვეყნის შვილი ვარ. მე ყოველთვის ყველაფერს გავაკეთებ იმისთვის, რომ ჩემმა ქვეყანამ ჩემით იამაყოს. - ხვიჩა კვარაცხელია

ევროზე პორტუგალიასთან ჩატარებული შეხვედრა ყველაზე მნიშვნელოვანი თამაში იყო. მე ვთამაშობდი იმ მოთამაშის წინააღმდეგ, რომელსაც ბავშვობიდან ვგულშემატკივრობდი და კერპად მყავდა. თამაშის დაწყებამდე საკუთარ თავს ვუთხარი "ეს ჩემი მომენტია" და ვიცოდი, რომ ეს მოედანზე უნდა მეჩვენებინა. შენი კერპის წინააღმდეგ თამაში დიდი მოტივაციაა. წარმოუდგენელი იყო. ჩემთან მოვიდა და წარმატებები მისურვა. უცებ მთვარეზე აღმოვჩნდი და კიდევ უფრო დარწმუნებული ვიყავი, რომ საქართველო გაიმარჯვებდა. იმ საღამოს ყველაფრის საუკეთესოდ გაკეთებას ვცდილობდი და ჩემს გუნდს ისტორიული შედეგის მიღწევაში დავეხმარე. - ხვიჩა კვარაცხელია

ევრო 2024-ზე | ხვიჩა კვარაცხელია და კრიშტიანუ რონალდუ

ბოლო რამდენიმე თვეში ჩვენ ვაჩვენეთ, რომ საქართველოს ძალიან ბევრის გაკეთება შეუძლია. ყველაფერს გავიღებთ იმისთვის, რომ ჩვენი ოცნება ასრულდეს და მსოფლიო ჩემპიონატზე ვითამაშოთ. ჩვენ გვჯერა, რომ შეგვიძლია ტურნირზე ვკვალივფიცირდეთ და ეს არის მთავარი. ჩვენ გვაქვს უნარი და ხასიათი, რომ ეს ოცნება რეალობად ვაქციოთ. - ხვიჩა კვარაცხელია

ყველა მოთამაშეს აქვს სფერო, სადაც შეუძლია გაუმჯობესება და არც მე ვარ გამონაკლისი. ამის მიღწევა ვარჯიშით და ერთგულებითაა შესაძლებელი. ზედმეტი დეტალების გარეშე ვიტყოდი, რომ მინდა გავაუმჯობესო ჩემი თამაშის ყოველი ასპექტი. - ხვიჩა კვარაცხელია

სიყვარული თამაშის მიმართ. ამან ყველაფერი მომცა. როდესაც მოედანზე გავდივარ და ბურთს ვეხები თავს თავისუფლად და ბედნიერად ვგრძნობ. მე ბედნიერი ვარ, რომ შემიძლია გავაკეთო ის, რაც მიყვარს და რაც მინდა, რომ გავაკეთო. - ხვიჩა კვარაცხელია

მოხარული ვარ, რომ მაქვს ანტონიო კონტესთან მუშაობის შესაძლებლობა. ვიღაცამ მითხრა, რომ ის დიდი მწვრთნელი იყო და ბედნიერი ვარ, რომ ამის უშუალო გამოცდილება დღეს მაქვს. ის მსოფლიოში ერთ-ერთი საუკეთესოა და მასთან ერთად ვცდილობ გავუმჯობესდე როგორც ფიზიკურად, ასევე ტაქტიკურად. ვფიქრობ, მისი დახმარებით საკლუბო და საერთაშორისო დონეზე სასურველ შედეგებს მივაღწევ. - ხვიჩა კვარაცხელია

ხვიჩა კვარაცხელია და ანტონიო კონტე

ამ ჯილდოზე წარდგენა მშვენიერი გრძნობა იყო. ამან მეტი თავდაჯერებულობა და მოტივაცია მომცა და აჩვენა, რომ ეს უბრალოდ დამთხვევა არ იყო. ყველაფერს გავაკეთებ იმისთვის, რომ ამ სცენაზე დავბრუნდე და დარწმუნებული ვარ, რომ ამას გავაკეთებ. მე ამისთვის ბევრს ვმუშაობ და მტკიცედ მჯერა, რომ მთელი ჩემი შრომა ანაზღაურდება. - ხვიჩა კვარაცხელია

ხვიჩა კვარაცხელია ოქროს ბურთის (Ballon d'Or) დაჯილდოებაზე

მთავარი, რაც ამ ორ გულშემატკივარს აერთიანებს, ფეხბურთის სიყვარულია. ეს სპორტი ორივესთვის განსაკუთრებულია და ამიტომაც არ მქონია პრობლემა და "ნაპოლიში" კარგად დავმკვიდრდი. ბედნიერი ვარ, რომ ამ კლუბის და ჩემი ეროვნული ნაკრების მხარდაჭერა მაქვს. - ხვიჩა კვარაცხელია

ეს სახელები ვარაუდობენ, რომ ფეხბურთის მომავალი საიმედო ხელშია, მაგრამ ჩვენ პატივი უნდა ვცეთ სპორტის ლეგენდებს, როგორიცაა მესი და რონალდუ. ისინი კვლავ თამაშობენ და გულშემატკივრებისთვის მაღალ სტანდარტებზე ჯერ კიდევ არიან. მე ბედნიერი ვარ, რომ მათთან ერთად იმავე ეპოქაში ვითამაშე და განვიცადე სანახაობრივი ფეხბურთი, რომელიც მათ გვაჩუქეს თავიანთი თაობის სხვა ლეგენდებთან ერთად. - ხვიჩა კვარაცხელია

ყველაფერზე მეტად ვოცნებობ საქართველოსთან ერთად მსოფლიო ჩემპიონატზე გასვლაზე და ჩემს კლუბთან ერთად ჩემპიონთა ლიგის მოგებაზე. იმედი მაქვს, რომ ამ ოცნებებს რეალობად ვაქცევ.

საკლუბო ფეხბურთში ყველაზე მნიშვნელოვანი თასის მოპოვება ყველა ფეხბურთელის ოცნებაა, მსოფლიო ჩემპიონატზე მონაწილეობა კი ყველა ქართველის ოცნებაა. მე მჯერა, რომ ეს იქნება ღირსეული პატივისცემა ყველასთვის, ვინც წარსულში წარმოადგენდა საქართველოს. ჩვენ გვინდა მივყვეთ მათ კვალს, მივაღწიოთ ამ მიზანს და ჩვენით ქვეყანა ამაყობდეს. - ხვიჩა კვარაცხელია

ხვიჩა კვარაცხელია საქართველოს ეროვნული ჰიმნის დროს

ზაალ ჩიხლაძე

სხვა სტატიები

სილვინიო: "ამ ჯგუფში ერთ შეცდომას ბევრი რამის გადაწყვეტა შეუძლია"

ამირან შაიშმელაშვილი

2 თვის წინ ქართული სპორტი

კარლტონ პალმერი: "გიორგი ჩაკვეტაძეს ვულვზის გარდა სხვა გუნდებიც აკვირდებიან"

ამირან შაიშმელაშვილი

1 თვის წინ ქართული სპორტი