ემილ ჰესკი: "სალაჰის შემცვლელად ჩემი რჩეული ხვიჩა კვარაცხელიაა"

ლივერპულისა და ინგლისის ნაკრების ვეტერანი ფეხბურთელი, ემილ ჰესკი ხვიჩა კვარაცხელიას შესახებ საუბრობს. ლესტერის, ბირმინგემ სიტის, უიგან ატლეტიკის, ასტონ ვილას, ნიუკასლ ჯეტსისა და ბოლტონის ვეტერანი ცენტრალური ფორვარდი ამბობს, რომ საქართველოს ნაკრებისა და პსჟ-ს ვარსკვლავი ლივერპულში მოჰამედ სალაჰის მთავარ შემცვლელად განიხილება.

მოჰამედ სალაჰი ლივერპულში 2017 წლის ზაფხულის შემდეგ თამაშობს და 429 მატჩში 252 გოლი აქვს გატანილი და 121 საგოლე პასი გაკეთებული. მან მერსისაიდულ გრანდში ორჯერ პრემიერ ლიგა, ჩემპიონთა ლიგა, უეფას სუპერ თასი, ფიფას მსოფლიოს საკლუბო ჩემპიონატი, 3-ჯერ ინგლისის ლიგის თასი, ასოციაციის თასი და სუპერ თასი მოიგო.

ხვიჩა კვარაცხელიას ამ სეზონში პსჟ-ს შემადგენლობაში 7 გოლი აქვს გატანილი და 6 საგოლე პასი გაკეთებული.