ვირტუსმა ტრენტოს მოუგო - შენგელია მატჩში საუკეთესო იყო

იტალიის საკალათბურთო ჩემპიონატის მესამე ტურში ,,ვირტუს ბოლონიამ'' ,,ტრენტო'' სტუმრად 15-ქულიანი სხვაობით, ანგარიშით 90:75 დაამარცხა.

მატჩში 23 წუთი ითამაშა საქართველოს ეროვნული ნაკრების კაპიტანმა, თორნიკე შენგელიამ, რომელმაც 15 ქულა, 5 მოხსნა, 5 შედეგიანი გადაცემა, 1 ჩაჭრა და 1 დაფარება მოაგროვა.

თოკომ 8-დან 5 ორქულიანი და 5-დან 5 საჯარიმო ჩააგდო. მისი მარგი ქმედების კოეფიციენტმა 23 შეადგინა, რაც ორივე გუნდის შემადგენლობაში საუკეთესო მაჩვენებელია.

სამი ტურის შემდეგ, შენგელიას გუნდს 3 მოგება აქვს და სატურნირო ცხრილის პირველ პოზიციაზეა.

,,ვირტუსი'' მომავალ შეხვედრას 18 ოქტომბერს, ევროლიგაში, ,,ალბას'' წინააღმდეგ გამართავს.