შეუჩერებელი შენგელია და ვირტუსის მორიგი გამარჯვება ევროლიგაზე
ევროლიგის მე-6 ტურში, "ვირტუსმა" "ანადოლუ ეფესი" შინ 93:81 დაამარცხა და იტალიური კლუბი 2023 წლის სეზონში საოცარ სვლას განაგრძობს.
WIN WIN WIN ⚪️⚫️
— Virtus Segafredo Bologna (@VirtusSegafredo) November 3, 2023
Un’altra vittoria, un’altra serata da Virtus ⭐️
🔢 Shengelia 19, Belinelli 17, Dunston 14, Smith 12, Mickey 10, Cordinier 7, Dobric 7, Cacok 4, Pajola 3#AmarsiAncora pic.twitter.com/4l5XvdpfqV
მატჩის მთავარი გმირი და MVP საქართველოს ნაკრების კაპიტანი - თორნიკე შენგელია იყო, რომელმაც პარკეტზე საკუთარი კლუბიდან ყველაზე დიდი დრო გაატარა და საკუთარი კლუბის გამარჯვებაში ლომის წვლილი შეიტანა.
თორნიკემ 31:11 წუთი ითამაშა, რა დროშიც მისი მონაგარი: 19 ქულა, 5 მოხსნა, 6 შედეგიანი გადაცემა და 1 ჩაჭრა იყო.
.@TokoShengelia23 to the rack 😤 #FlightTime I @TurkishAirlines pic.twitter.com/ERiB6KMV4y
— Turkish Airlines EuroLeague (@EuroLeague) November 3, 2023
შეგახსენებთ, რომ თორნიკე შენგელია ევროლიგის ოქტომბრის თვის საუკეთესო კალათბურთელად დასახელდა. სწორედ "ანადოლუ ეფესთან" მატჩამდე მას კუთვნილი ჯილდო გადასცეს.
MVP OF OCTOBER ⭐️@EuroLeague #AmarsiAncora pic.twitter.com/wIiqvx6ChA
— Virtus Segafredo Bologna (@VirtusSegafredo) November 3, 2023
თორნიკე შენგელია ასევე ოქტომბრის თვის იტალიის სერია A-ს საუკეთესო კალათბურთელადაც დასახელდა.
ქართველი კალათბურთელი "ვირტუს ბოლონიასთან" ერთად საოცარ სეზონს ატარებს. ევროლიგაში განვლილი 6 ტურის შემდეგ, ბოლონიური კლუბის ანგარიშზე 5 გამარჯვებაა.
"ვირტუსი" შემდეგ მატჩს 9 ნოემბერს, "რეალის" წინააღმდეგ გამართავს.
სხვა სტატიები
.32.webp)
