ვირტუსმა სასარი დაამარცხა, შენგელიამ გუნდს 18 ქულით ულიდერა

იტალიის საკალათბურთო ჩემპიონატის 28-ე ტურში, ,,ვირტუს ბოლონიამ” ,,სასარის” უმასპინძლა და 17-ქულიანი სხვაობით, ანგარიშით 86-69 დაამარცხა.

მატჩში 21 წუთამდე ითამაშა საქართველოს ეროვნული ნაკრების კაპიტანმა, თორნიკე შენგელიამ, რომელმაც 18 ქულა, 7 მოხსნა და 1 შედეგიანი გადაცემა მოაგროვა.

თორნიკემ 9-დან 6 ორქულიანი და 7-დან 6 საჯარიმო ჩააგდო. მისმა მარგი ქმედების კოეფიციენტმა 23 შეადგინა, რაც ორივე გუნდის შემადგენლობაში საუკეთესო მაჩვენებელია.

,,ვირტუსი'' 22 მოგებითა და 6 მარცხით სატურნირო ცხრილის პირველ პოზიციაზეა. შენგელიას გუნდი მომავალ შეხვედრას 30 აპრილს, ,,ტრევიზოსთან'' სტუმრად გამართავს.