შენგელია ფინალურ სამეულშია - ქართველი კალათბურთელი MVP-ის ტიტულისთვის იბრძვის

ხვალ იტალიის საკალათბურთო ჩემპიონატის 2023-2024 წლების სეზონის საუკეთესო მოთამაშე დასახელდება.

სამ ფინალისტს შორის მოხვდა ,,ვირტუს ბოლონიას'' ქართველი ფორვარდი, თორნიკე შენგელია. თოკოს გარდა, ჯილდოსთვის მისივე თანაგუნდელი, მარკო ბელინელი და ,,ვენეციის'' უკანახაზელი, რაიონ ტაკერი იბრძვიან.

სერია A-ში გამოკითხვა ორ ეტაპად მიმდინარეობდა - ჯერ ჟურნალისტები და ექსპერტები გამოკითხეს, შემდეგ კი კალათბურთელები და მწვრთნელები.

შენგელია რეგულარულ სეზონში ჩატარებულ 25 შეხვედრაში საშუალოდ 13.8 ქულას, 5.1 მოხსნასა და 3.3 შედეგიან გადაცემას აგროვებდა.

,,ვირტუსი'' ჩემპიონატის მეოთხედფინალშია, სადაც ლუკა ბანკის გუნდმა სერიის პირველ ორ შეხვედრაში ,,ტორტონას'' დამარცხება შეძლო. ამ მატჩებში თორნიკეს ვირუსის გამო არ უთამაშია.