ვირტუსმა ბრეშასთან იმარჯვა - შენგელია კვლავ საუკეთესო იყო
იტალიის საკალათბურთო ჩემპიონატის მერვე ტურში ,,ვირტუს ბოლონიამ'' ,,ბრეშას'' უმასპინძლა და 12-ქულიანი სხვაობით, ანგარიშით 88:76 დაამარცხა.
მიმდინარე სეზონში კიდევ ერთი შესანიშნავი მატჩი ჩაატარა საქართველოს ეროვნული ნაკრების კაპიტანმა, თორნიკე შენგელიამ, რომელმაც 26 წუთში 26 ქულა, 7 ასისტი, 6 მოხსნა და 1 ჩაჭრა მოაგროვა.
თოკომ 11-დან 7 ორქულიანი, 1-დან 1 სამქულიანი და 11-დან 9 საჯარიმო ჩააგდო. მისი მარგი ქმედების კოეფიციენტმა 35 შეადგინა, რაც ორივე გუნდის შემადგენლობაში საუკეთესო მაჩვენებელია.
8 ტურის შემდეგ, ბოლონიელები 7 მოგებითა და 1 მარცხით სატურნირო ცხრილის პირველ პოზიციაზე არიან.
,,ვირტუსი'' მომავალ შეხვედრას 23 ნოემბერს, ევროლიგაში, ,,ფენერბახჩეს'' წინააღმდეგ გამართავს.
WIN WIN WIN ⚪️⚫️
— Virtus Segafredo Bologna (@VirtusSegafredo) November 20, 2023
La Segafredo vince e conquista il primo posto in solitaria 😎
🔢 Shengelia 26, Lundberg 19, Belinelli 9, Smith 7, Abass 5, Dunston 5, Hackett 5, Cacok 5, Pajola 5, Dobric 2#AmarsiAncora pic.twitter.com/pQGwIIuh3i