ვირტუსის პირველი მოგება პლეი ოფში | თოკომ პირველი შეხვედრა გამოტოვა

იტალიის საკალათბურთო ჩემპიონატში პლეი ოფის ეტაპი დაიწყო. "ვირტუს ბოლონიამ" პირველი რაუნდის პირველი შეხვედრა კარგად დაიწყო და "ტორტონასთან" მარტივი გამარჯვება მოიპოვა - 92:80.

თორნიკე შენგელია თავის გუნდს ვერ დაეხმარა, მატჩამდე ცოტა ხნით ადრე გახდა ცნობილი, რომ ქართველ კალათბურთელს გრიპი აქვს და ამას სიცხეც დაემატა, რის გამოც მისი თამაში "ტორტონას" წინააღმდეგ გამოირიცხა. ჯერ ჯერობით უცნობია თოკო რამდენი ხანი ვერ დაეხმარება თავის გუნდს.

მატჩში ყველაზე შედეგიანი 18 ქულით აიზია კორდინიე იყო, მარკო ბელინელის ჰქონდა 16 ქულა, 15 ქულით კი იფე ლუნდბერგი გამოირჩა.

მეტოქე გუნდის რიგებიდან ყველაზე მეტი 15 ქულა ტომაზო ბალდასომ მიითვალა.

პლეი ოფის მომდევნო შეხვედრას გუნდები 13 მაისს გამართავენ.