ნაპოლისთან ჩხუბის გამო თორნიკე შენგელია დასაჯეს

იტალიის საკალათბურთო ჩემპიონატის 23-ე ტურში, "ტრიესტე" "ვირტუს ბოლონიას" უმასპინძლებს, თუმცა თორნიკე შენგელია ბოლონიელებს ვერ დაეხმარება. ქართველი კალათბურთელი, "ნაპოლისთან" მომხდარი ინციდენტის გამო, ერთმატჩიანი დისკვალიფიკაციით დაისაჯა.

ნაპოლისთან ბოლო მეოთხედში, თორნიკე მეტოქის ფარს უტევდა, რა დროსაც მის წინააღმდეგ ტომას ვოლდეტენსემ უხეშად ითამაშა, გაცხარებულმა შენგელიამ მეტოქეზე გაიწია, თუმცა გუნდელებმა დროულად შეძლეს მისი შეკავება.

აღნიშნული დისკვალიფიკაცია, რიგ შემთხვევაში, ფულადი სანქციით შეიძლება შეიცვალოს, ამიტომ ვირტუსს გადაწყვეტილების გასაჩივრების უფლება ექნება.