თორნიკე შენგელიამ ორმაგი დუბლი გაიფორმა | ვირტუსი პეზაროსთან დამარცხდა

იტალიის საკალათბურთო ჩემპიონატის 23-ე ტურის შეხვედრაში თორნიკე შენგელიას "ვირტუს ბოლონია" "პეზაროსთან" ოვერტაიმში 87:86 დამარცხდა.

ქართველმა კალათბურთელმა 29 წუთი ითამაშა, ამ დროში კი მან ორმაგი დუბლი შეასრულა 16 ქულა (7-დან 2 ორქულიანი, 1-დან 1 სამქულიანი და 11-დან 9 საჯარიმო), 10 მოხსნა, 2 ასისტი და 1 ჩაჭრა მიითვალა.

მატჩში ყველაზე შედეგიანი მარკის მაკდაფი იყო 23 ქულით.

"ვირტუს ბოლონია" სერია A-ს ცხრილში 32 ქულით მე-3 ადგილზეა, შემდეგ შეხვედრას ქართველი კალათბურთელის გუნდი ევროლიგის ეგიდით "ჟალგირის კაუნასის" წინააღმდეგ ჩაატარებს, მატჩი ხვალ 19 მარტს გაიმართება.