თორნიკე შენგელია იტალიის ჩემპიონატის ტურის საუკეთესოდ დასახელდა
საქართველოს ეროვნული ნაკრების კაპიტანი და "ვირტუს ბოლონიას" კალათბურთელი - თორნიკე შენგელია, იტალიის ჩემპიონატის მე-4 ტურის საუკეთესო კალათბურთელად დასახელდა.
Tornike Shengelia è l'#MVP @UnipolSai_CRP della 4^ giornata 👑
— Lega Basket Serie A (@LegaBasketA) October 23, 2023
Il giocatore della @VirtusSegafredo, dopo la vittoria contro Sassari, è stato votato da voi su Instagram e X come miglior giocatore del turno❗#TuttoUnAltroSport pic.twitter.com/MxIU1spEkn
იტალიის საკალათბურთო ჩემპიონატის მეოთხე ტურში ,,ვირტუს ბოლონიამ'' ,,სასარის'' უმასპინძლა და 14-ქულიანი სხვაობით, ანგარიშით 80:66 დაამარცხა.
მატჩში 30 წუთი ითამაშა საქართველოს ეროვნული ნაკრების კაპიტანმა, თორნიკე შენგელიამ, რომელმაც 10 ქულა, 12 მოხსნა და 9 შედეგიანი გადაცემა მოაგროვა და სამმაგ დუბლამდე მხოლოდ 1 შედეგიანი გადაცემა დააკლდა.
თოკომ 5-დან 3 ორქულიანი და 4-დან 4 საჯარიმო ჩააგდო. მისი მარგი ქმედების კოეფიციენტმა 27 შეადგინა, რაც ორივე გუნდის შემადგენლობაში საუკეთესო მაჩვენებელია.
ოთხი ტურის შემდეგ, შენგელიას გუნდს 4 მოგება აქვს და სატურნირო ცხრილის პირველ პოზიციაზეა.
,,ვირტუსი'' მომავალ შეხვედრას 27 ოქტომბერს, ევროლიგაში, ,,ლიონის'' წინააღმდეგ გამართავს.
სხვა სტატიები
