თორნიკე შენგელიას შედეგიანი მატჩი | ვირტუსმა ბასკონია დაამარცხა

თორნიკე შენგელიას "ვირტუს ბოლონია" ევროლიგის მე-14 ტურში "ბასკონიას" ესტუმრა და იტალიურმა გუნდმა 81:91 გაიმარჯვა.

შედეგიანი მატჩი ჰქონდა ქართველ კალათბურთელს, მან არასრულ 30 წუთში 16 ქულა, 6 მოხსნა და 4 შედეგიანი გადაცემა დააგროვა.

შეხვედრაში ყველაზე მეტი 27 ქულა თორნიკეს თანაგუნდელ მარკო ბელინელის ჰქონდა.

"ბასკონიელთა" მხრიდან საუკეთესო ჩიმა მონეკე იყო 16 ქულით და 8 მოხსნით.

"ვირტუს ბოლონია" 14 ტურის შემდეგ 10 მოგებით და 4 წაგებით ევროლიგაში მე-3 ადგილზეა.

შემდეგ მატჩს ბოლონიელები 16 დეკემბერს იტალიის სერია ა-ში "ვენეციის" წინააღმდეგ ჩაატარებენ.