ტენერიფე ბარსელონასთან ესპანეთის თასის ნახევარფინალში დამარცხდა

ესპანეთის თასის ნახევარფინალში გიორგი შერმადინის "ლენოვო ტენერიფე" "ბარსელონასთან" დიდი სხვაობით 108:76 დამარცხდა.

ქართველმა კალათბურთელმა 26:37 წუთი ითამაშა, რა დროშიც 9 ქულა (8-დან 4 ორქულიანი და 2-დან 1 საჯარიმო) ჩააგდო ასევე 4 მოხსნა, 2 ასისტი და 2 ჩაჭრა მიითვალა.

მატჩში ყველაზე მეტი 16 ქულა ტიმ აბრომაიტისმა ჩააგდო. 15-15 ქულა ჰქონდათ ვილი ერნანგომესს და მარსელინიო უერტასს.

"ბარსელონა" ესპანეთის თასის ფინალში მადრიდის "რეალს" დაუპირისპირდება.