შერმადინის ზუსტი 2-ქულიანები | ტენერიფემ პეტკიმ სპორს მოუგო

საკალათბურთო ჩემპიონთა ლიგის მე-2 ჯგუფური ეტაპის მე-5 ტურში, ,,ტენერიფემ'' თურქული ,,პეტკიმ სპორი'' სტუმრად 5-ქულიანი სხვაობით, ანგარიშით 85:80 დაამარცხა.

მატჩში 13 წუთამდე ითამაშა გიორგი შერმადინმა, რომელმაც 10 ქულა, 3 მოხსნა, 1 შედეგიანი გადაცემა და 1 დაფარება მოაგროვა.

ქართველმა ცენტრმა 5-დან 5 ორქულიანის ჩაგდება შეძლო. მისმა მარგი ქმედების კოეფიციენტმა 13 შეადგინა, რითაც საკუთარი გუნდის შემადგენლობაში მხოლოდ კონსტანტინ კოსტადინოვსა და ლუის კოსტას ჩამორჩა.

შერმადინის გუნდს, რომელიც ჯგუფში 5-დან 5 მოგებით ლიდერობს, მეოთხედფინალის საგზური უკვე გაფორმებული აქვს.

,,ტენერიფე'' მომავალ შეხვედრას კვირას, 23 მარტს, ესპანეთის ჩემპიონატში, ,,ანდორას'' წინააღმდეგ გამართავს.