შენგელიას სუპერმატჩი | ბარსელონამ მაკაბი დაამარცხა

ევროლიგის მე-20 ტურში ბარსელონამ თელ ავივის მაკაბის უმასპინძლა და 10-ქულიანი სხვაობით, ანგარიშით 93:83 დაამარცხა.

თორნიკე შენგელიამ, რომელიც მატჩში სათადარიგოთა სკამიდან ჩაერთო, 25 წუთში 22 ქულა, 4 შედეგიანი გადაცემა და 2 მოხსნა მოაგროვა.

თოკომ დღევანდელ მატჩში 7-დან 6 ორქულიანი, 2-დან 1 სამქულიანი და 7-დან 7 საჯარიმო ჩააგდო. მისმა მარგი ქმედების კოეფიციენტმა 27 შეადგინა, რაც ორივე გუნდის შემადგენლობაში საუკეთესო შედეგია.

ბარსელონა, რომელიც 13 მოგებითა და 7 წაგებით ევროლიგის მე-5 პოზიციაზეა, მომავალ შეხვედრას 9 იანვარს, პარტიზანის წინააღმდეგ გამართავს.