შენგელიას შედეგიანი მატჩი - ბარსელონამ სარაგოსა დაამარცხა

ესპანეთის ლიგა ენდესას (ლიგა ACB) 25-ე ტურში სარაგოსა ბარსელონას დაუპირისპირდა და 86:92 დამარცხდა.

თორნიკე შენგელიამ კატალონიური კლუბის მაისურით მორიგი შედეგიანი შეხვედრა ჩაატარა - ქართველმა ვარსკვლავმა პარკეტზე გატარებულ დროში 13 ქულის, 6 მოხსნისა და 1 შედეგიანი გადაცემის დაგროვება შეძლო, რაც ბარსელონას მოთამაშეთა შორის მეორე საუკეთესო შედეგია.

ბარსელონა მომავალ მატჩს, ევროლიგის ეგიდით გამართავს - 7 აპრილს, 22:30 საათზე, კატალონიელები პანათინაიკოსს უმასპინძლებენ.