"შენგელიას NBA-ში შეუძლია თამაში, თუმცა, მიხარია რომ ჩვენთანაა" - სერჯიო სკარიოლო
2 წლის წინ
კალათბურთი
3 წთ
- სკარიოლო: “უმჯობესია შენგელიასთან ერთად, ვიდრე მის წინააღმდეგ”
- FIBA | ახალ არენაზე გამართულ სადებიუტო მატჩში, საქართველომ ესპანეთი დაამარცხა
სერჯიო სკარიოლო: "ძალიან მიხარია, რომ თოკო ჩვენთანაა. მან საკმაოდ სწრაფად მოახდინა გავლენა გუნდზე, როგორც თავისი ფიზიკური შესაძლებლობებით, ასევე მისი მენტალობით, რაც ძალიან მნიშვნელოვანია. ჩვენ გვჭირდებოდა მეტი გამოცდილება, მეტი კონკურენტუნარიანობა, მეტი გონებრივი სიმტკიცე და მან ნამდვილად მოგვიტანა ეს ყველაფერი. მოლოდინი გვაქვს, რომ ასეც გაგრძელდება. იმედია ასე იქნება, ჩემზე რომ იყოს დამოკიდებული ბედნიერი ვიქნებოდი თუკი ის გუნდში მომავალ წელსაც ითამაშებდა. ვფიქრობ მას ორივე ლიგაში შეუძლია თამაში. ამ ეტაპზე ალბათ ევროლიგაა მისთვის საუკეთესო ვარიანტი, თუმცა, ეს არ ნიშნავს, რომ ის ვერ ითამაშებს NBA-ში. ჩვენ მოხარული ვართ, რომ ის გუნდში გვყავს და პირადად მე ვისურვებდი, რომ ის ევროპაში ყოფილიყო, თუმცა, გამიხარდებოდა მისი ხილვა ამერიკის შეერთებულ შტატებში".შეგახსენებთ, იტალიური მედიის ინფორმაციით, თორნიკე შენგელიასა და “ვირტუს ბოლონიას” შორის შეთანხმება პრაქტიკულად მიღწეულია. მხარეებმა ყველა დეტალი წარმატებით გაიარეს, სიტყვიერ შეთანხმებას მიაღწიეს და უახლოეს დღეებში ოფიციალური განცხადებაც გაკეთდება. იტალიურ საკალათბურთო კლუბს 2-წლიანი კონტრაქტის გაფორმება სურს, მისი ერთი წლით გახანაგრძლივების შესაძლებლობით.
სხვა სტატიები
