ევროლიგა | შენგელიას 19 ქულა გამარჯვებისთვის საკმარისი არ აღმოჩნდა

ევროლიგის მე-5 ტურში, ტურნირის დებიუტანტი დუბაი ბარსელონას დაუპირისპირდა და 83:78 გაიმარჯვა.

ბარსელონას შემადგენლობაში კარგი მატჩი ჰქონდა თორნიკე შენგელიას, რომელმაც 19 ქულასთან ერთად, 3 მოხსნა და 1 შედეგიანი გადაცემაც დააგროვა. ქართველი ვარსკვლავის პროდუქტიული თამაში გამარჯვებისთვის საკმარისი არ აღმოჩნდა და კატალონიურმა კლუბმა ევროლიგაზე მე-2 მარცხი განიცადა.

ბარსელონა ევროლიგის მე-6 ტურში, კაუნასის ჟალგირისს დაუპირისპირდება.