"საქართველოსთვის" - ბეჟანიშვილის მორიგი ბრწყინვალე მატჩი

კანადის საკალათბურთო ლიგის (CEBL) რეგულარული სეზონის შეხვედრაში, "ვანკუვერისა" და "კალგარის" დაპირისპირება გაიმართა. სანახაობრივი მატჩი მასპინძელთა მარცხით, 88:93 დასრულდა.

"ვანკუვერის" რიგებში მორიგი გამორჩეული მატჩი ჩაატარა გიორგი ბეჟანიშვილმა, რომელმაც მიმდინარე სეზონში მე-7 ორმაგი დუბლი გაიფორმა. პარკეტზე გატარებულ დროში, ბეჟანიშვილმა 26 ქულის, 10 მოხსნის, 4 შედეგიანი გადაცემისა და 3 ჩაჭრის დაგროვება შეძლო.

"ვანკუვერის" ქართველმა ვარსკვლავმა რამდენიმე შედეგიანი ქმედება იმ ფანებს მიუძღვნა, რომლებიც არენაზე საქართველოს დროშით იყვნენ მისული, რის გამოც "ვანკუვერმა" სოციალურ ქსელში კონტენტი შემდეგი სახელწოდებით გაავრცელა: "საქართველოსთვის".