რუდი გობერი NBA-ს წლის საუკეთესო დამცველად დასახელდა

"მინესოტა ტიმბერვულვზის" ცენტრი რუდი გობერი წლის საუკეთესო დამცველად დასახელდა. საუკეთესო დაცვითი მოთამაშის ჯილდოს მოგების შემდეგ, გობერი გახდა მესამე მოთამაშე ლიგის ისტორიაში, რომელმაც ეს ინდივიდუალური ტიტული 4-ჯერ მოიგო, ის ამ შედეგით შეუერთდა დიკემბე მუტომბოს და ბენ უოლასს. ფრანგ კალათბურთელს ჯილდო მოგებული აქვს 2020/21, 2018/19 და 2017/18 წლების სეზონში.

რუდი გობერი "ტიმბერვულვზის" ისტორიაში არის პირველი მოთამაშე რომელმაც საუკეთესო დაცვითი მოთამაშის ჯილდო მოიგო, რომელსაც ასევე ჰქვია ჰაკიმ ოლაჯუვონის თასი.

გობერის შესანიშნავი დაცვითი თამაშის გათვალისწინებით, მინესოტას საუკეთესო დაცვითი რეიტინგი ჰქონდა ლიგაში, "ტიმბერვულვზვი" ყველაზე ნაკლებ ქულას უშვებდა მთელი რეგულარული სეზონის განმავლობაში.

ფრანგი კალათბურთელი მიმდინარე სეზონში საშუალოდ 14.0 ქულას (66.1%), 12.9 მოხსნას (რაც მეორეა ლიგაში) და 2.13 ბლოკს აგროვებდა.

დასავლეთ კონფერენციის ნახევარფინალში "მინესოტა ტიმბერვულვზი" "დენვერ ნაგეთსის" წინააღმდეგ 2:0 იგებს.