რეკორდი ევროლიგაში | ჰეის-დევისმა ერთ მატჩში 50 ქულა ჩააგდო

ნაიჯელ ჰეის-დევისმა სპექტაკლი დადგა და ისტორიას დაუტოვა. "ფენერბაჰჩეს" მოთამაშე გახდა პირველი კალათბურთელი, რომელმაც ევროლიგის არსებობის (2000 წელი) შემდეგ, თამაშში 50 ქულას მიაღწია. ჰეის-დევისმა შეინ ლარკინის რეკორდი გააუმჯობესა, ლარკინმა 2019 წლის დეკემბერში, "ბაიერნის" წინააღმდეგ 49 ქულის აღება შეძლო.

ფენერბაჰჩემ "ალბა ბერლინი" 103-68 დაამარცხა, ამერიკელმა მალევე დაიწყო თავისი რეკორდთან მიახლოება. პირველ მეოთხედში მან 18 ქულა მოაგროვა. ბოლო მეოთხედში ჰეის-დევისს 14 ქულა სჭირდებოდა რეკორდის დამყარებამდე, (თურქი გულშემატკივრების წყალობით, იასკევიჩიუსს სთხოვეს, პარკეტზე დაეტოვებინა) მან ამის გაკეთება შეძლო.

ფენერბაჰჩეს მოთამაშემ 50 ქულა თამაშის 30 წუთში ჩააგდო, 11-დან 9 ორქულიანით, 16-დან 9 სამიანით და 7-დან 5 ზუსტი საჯარიმოთი, მან შეხვედრა +39 რეიტინგით დაასრულა.