ორლანდომ მოიგო | გოგა ბითაძემ კარგი მატჩი ჩაატარა

NBA-ს რეგულარული სეზონის მორიგ შეხვედრაში "ორლანდო მეჯიქმა" "საკრამენტო კინგსი" 121:91 დაამარცხა.

გოგა ბითაძემ 17:56 წუთი ითამაშა, რა დროშიც ორმაგი დუბლი მიითვალა, გოგას ანგარიშზე იყო 12 ქულა (9-დან 5 ორქულიანი, 2-დან 2 საჯარიმო), 10 მოხსნა, 5 შედეგიანი გადაცემა, 1 ჩაჭრა და 1 დაფარება.

ქართველმა კალათბურთელმა NBA-ში გამორჩეული შედეგიც დააფიქსირა, ის ისტორიაში ერთადერთი მოთამაშეა, რომელმაც 10 ქულა, 10 მოხსნა და 5 შედეგიანი გადაცემა ყველაზე ნაკლებ დროში მოაგროვა.

მატჩში ყველაზე მეტი 24 ქულა პაოლო ბანკერომ ჩააგდო, 21-21 ქულა ჰქონდათ დემარ დეროუზანს და ფრანც ვაგნერს.

"ორლანდო მეჯიქი" აღმოსავლეთ კონფერენციაში 36 მოგებით და 39 მარცხით მე-7 პოზიციაზეა, მომდევნო შეხვედრას ქართველი კალათბურთელის გუნდი 1 აპრილს "ლოს ანჯელეს კლიპერსის" წინააღმდეგ გამართავს.