"თითოეული მომდევნო მატჩისთვის მზად უნდა ვიყოთ" - გოგა ბითაძე
NBA-ს რეგულარული სეზონის მორიგ შეხვედრაში "ორლანდო მეჯიქმა" "საკრამენტო კინგსი" 121:91 დაამარცხა.
გოგა ბითაძემ 17:56 წუთი ითამაშა, რა დროშიც ორმაგი დუბლი მიითვალა, გოგას ანგარიშზე იყო 12 ქულა (9-დან 5 ორქულიანი, 2-დან 2 საჯარიმო), 10 მოხსნა, 5 შედეგიანი გადაცემა, 1 ჩაჭრა და 1 დაფარება.
ქართველმა კალათბურთელმა NBA-ში გამორჩეული შედეგიც დააფიქსირა, ის ისტორიაში ერთადერთი მოთამაშეა, რომელმაც 10 ქულა, 10 მოხსნა და 5 შედეგიანი გადაცემა ყველაზე ნაკლებ დროში მოაგროვა.
მატჩის შემდეგ ქართველმა კალათბურთელმა მედიასთან კომენტარი გააკეთა:
კარგი თამაში ჩავატარეთ. მთელი მატჩის განმავლობაში დეტალებს ყურადღებას ვაქცევდით, რამაც შედეგი გამოიღო. შეხვედრაში მეტოქე მაქსიმალურად უნდა შეზღუდო, რადგან დაპირისპირება 48 წუთიანია და ერთმა წუთმა შესაძლოა ყველაფერი შეცვალოს. ჩვენ თითოეული მომდევნო მატჩისთვის მზად უნდა ვიყოთ. რეგულარული სეზონის დასრულებამდე 7 თამაშია დარჩენილი, ჩვენ პლეი-ოფში ვითამაშებთ და დარჩენილ შეხვედრებში ის უნდა გავაკეთოთ, რასაც მწვრთნელები გვეტყვიან. - გოგა ბითაძე
“We have to build on this,” #Magic center Goga Bitadze said. “It’s not like, ‘Oh, we played a good game and now, let’s get back to [playing] bad,’ we just have to keep building on this. It’s a great win.”
— Jason Beede (@therealBeede) March 30, 2025
Full remarks: pic.twitter.com/LAAlrldOpw
"ორლანდო მეჯიქი" აღმოსავლეთ კონფერენციაში 36 მოგებით და 39 მარცხით მე-7 პოზიციაზეა, მომდევნო შეხვედრას ქართველი კალათბურთელის გუნდი 1 აპრილს "ლოს ანჯელეს კლიპერსის" წინააღმდეგ გამართავს.
.70.webp)
სხვა სტატიები
.32.webp)
