ოფიციალურად | გოლდენ სტეიტმა 11-ნომრიანი მაისური ხმარებიდან ამოიღო
13-წლიანი დიდი ეპოქა დასრულებულია - კლეი ტომპსონმა ოფიციალურად დატოვა "გოლდენ სტეიტი" და კარიერას დალასში გააგრძელებს.
წყაროს ცნობით, კლეი ტეხასურ გუნდთან 3-წლიან კონტრაქტს გააფორმებს, რა დროშიც 50 მილიონ დოლარს გამოიმუშავებს. გარიგებაში რამდენიმე გუნდი მონაწილეობს - თავის მხრივ, ,,მავერიქსი'' ,,შარლოტ ჰორნეტსში'' ჯოშ გრინს გაუშვებს.
კლეი ტომპსონი თუ რამხელა ფიგურა იყო "გოლდენ სტეიტისთვის" ეს არავის ესწავლება, შესაბამისად, მის საპატივცემულოდ, "ოქროსშტატელებმა" 11-ნომრიანი მაისური ხმარებიდან ამოიღეს.
The Warriors plan to retire Klay Thompson's jersey 👏 pic.twitter.com/ClHC6qz3hd
— ESPN (@espn) July 2, 2024
"კლეის მემკვიდრეობა მარადიულად იცოცხლებს. ჩვენს კლუბში მისი სიდიადისა და დიდებულების გამო, მის 11-ნომრიან მაისურს ხმარებიდან ამოვიღებთ..." - ვკითხულობთ გოლდენ სტეიტის განცხადებაში
შეგახსენებთ, რომ კლეი ტომპსონი 2011 წლიდან გოლდენ სტეიტის ღირსებას იცავდა. მან კლუბთან ერთად 4 საჩემპიონო ბეჭედი მოიპოვა (2015, 2017, 2018 და 2021) და ამ კლუბის ყველა დროის ერთ-ერთი საუკეთესო კალათბურთელია.
მიღწევები
4-გზის ჩემპიონი - 2015, 2017, 2018 და 2021 წლები.
5-გზის "ყველა ვარსკვლავის" მატჩი - 2015, 2016, 2017, 2018, 2019 წლები.
3-ქულიანების კონკურსის გამარჯვებული - 2016 წელი.
3-ქულიანების საუკეთესო მსროლელი - 2023 წელი
NBA-ს რეგულარულ სეზონში ყველა დროის რეკორდსმენი ერთ მეოთხედში ჩაგდებული ქულებით - 37 ქულა
NBA-ს რეგულარულ სეზონში ყველაზე მეტი ჩაგდებული სამქულიანი ერთ მატჩში - 14 სამქულიანი
სხვა სტატიები
