"ნებისმიერ ეპიზოდში ყოველთვის ვენდობი საკუთარ თავს" - სანდრო მამუკელაშვილი

NBA-ს რეგულარული სეზონის მორიგ შეხვედრაში ტორონტო რეპტორსმა პორტლენდ ტრეილ ბლეიზერსი 110:98 დაამარცხა.

სანდრო მამუკელაშვილი მატჩის საუკეთესო მოთამაშე (MVP) გახდა. ქართველმა კალათბურთელმა შეხვედრა სასტარტო შემადგენლობიდან დაიწყო და 34:51 წუთი ითამაშა, მან ამ დროში 22 ქულა (9-დან 6 ორქულიანი, 6-დან 3 სამქულიანი, 2-დან 1 საჯარიმო), 6 მოხსნა, 4 შედეგიანი გადაცემა და 1 ჩაჭრა მიითვალა.

მატჩის შემდეგ ქართველმა კალათბურთელმა მედიასთან ისაუბრა:

სანდროს ბოლო 4 მატჩში შესანიშნავი მაჩვენებელი უფიქსირდება:

• 20 ქულა, 6 მოხსნა, 2 ასისტი, 1 ჩაჭრა, 1 დაფარება - ლოს ანჯელეს ლეიკერსთან

• 14 ქულა, 12 მოხსნა, 4 ასისტი, 2 ჩაჭრა, 1 დაფარება - გოლდენ სტეიტ უორიორსთან

• 22 ქულა, 9 მოხსნა, 4 ასისტი, 1 ჩაჭრა - საკრამენტო კინგსთან

• 22 ქულა, 6 მოხსნა 4 ასისტი, 1 ჩაჭრა - პორტლენდ ტრეილ ბლეიზერსთან

ტორონტო რეპტორსი 28 მოგებით და 19 მარცხით აღმოსავლეთ კონფერენციაში მე-3 პოზიციაზეა, მომდევნო შეხვედრას ქართველი კალათბურთელის გუნდი 26 იანვარს, ოკლაჰომა სითი თანდერის წინააღმდეგ გამართავს.