"მე მას ვუთხარი, რომ ლიგის საუკეთესო კალათბურთელია" - ჯოელ ემბიდი ნიკოლა იოკიჩზე
NBA-ს რეგულარული სეზონის მორიგ შეხვედრაში "ფილადელფია სიქსერსმა" "დენვერ ნაგეთსი" 126:121 დაამარცხა. ორივე გუნდის საუკეთესო კალათბურთელს ჯოელ ემბიდს და ნიკოლა იოკიჩს დღესაც ძალიან შედეგიანი მატჩი ჰქონდათ, კამერუნელმა ცენტრმა ორმაგი დუბლი შეასრულა 41 ქულით და 10 მოხსნით, მას ასევე 7 ასისტი ჰქონდა, სერბი კალათბურთელიც ორმაგი დუბლით გამოირჩა 25 ქულა და 19 მოხსნა.
მატჩის შემდგომმა ეპიზოდმა კამერების ყურადღება მიიპყრო, როდესაც ჯოელ ემბიდი ნიკოლა იოკიჩს ყურში რაღაცას ეუბნებოდა და როგორც შემდგომში მედიასთან საუბარში გაირკვა, კამერუნელმა სერბი კალათბურთელის მიმართ საქებარი სიტყვები არ დაიშურა და უთხრა, რომ ის ლიგის საუკეთესო კალათბურთელია.
"I just told him he's the best player in the league."
— NBA (@NBA) January 17, 2024
Joel Embiid says there's all love between the last two #KiaMVP's after their battle tonight. pic.twitter.com/84G3H70lKL
შეგახსენებთ, NBA-ს რეგულარული სეზონის MVP 2022/23 წლების სეზონში სწორედ ჯოელ ემბიდი გახდა, მეორე ადგილზე კი ნიკოლა იოკიჩი გავიდა, რომელსაც მანამდე ორჯერ ჰქონდა (2020/21, 2021/22) მოგებული რეგულარული სეზონის საუკეთესო კალათბურთელის წოდება.
მატჩის მიმოხილვა
.70.webp)
სხვა სტატიები
.32.webp)
