მამუკელაშვილის ორმაგი დუბლი - სან ანტონიომ დენვერს მოუგო

NBA-ის რეგულარული სეზონის შეხვედრაში ,,სან ანტონიო სპურსმა” ნიკოლა იოკიჩის გარეშე მოთამაშე ,,დენვერ ნაგეთსი” 7-ქულიანი სხვაობით, ანგარიშით 113:106 დაამარცხა.

მატჩში 23 წუთი ითამაშა სანდრო მამუკელაშვილმა, რომელიც საკუთარი გუნდის რიგებში ერთ-ერთი გამორჩეული იყო. სანდრომ ორმაგი დუბლი გაიფორმა - 16 ქულა, 10 მოხსნა, 1 ჩაჭრა. ქართველმა ფორვარდმა 6-დან 3 ორქულიანის, 5-დან 2 სამქულიანისა და 4-დან 4 საჯარიმოს ჩაგდება შეძლო.

,,სან ანტონიოს” 20 ქულით, 8 მოხსნით, 3 პასითა და 1 ჩაჭრით ჰარისონ ბარნსმა ულიდერა. ,,დენვერის” შემადგენლობაში კი 30 ქულით, 11 მოხსნით, 6 შედეგიანი გადაცემითა და 3 ჩაჭრით საუკეთესო რასელ უესტბრუკი იყო.

,,სპურსი”, რომელიც 32 მოგებითა და 44 მარცხით დასავლეთ კონფერენციის მე-13 პოზიციაზეა, მომავალ მატჩს შაბათს, 5 აპრილს, ,,კლივლენდის” წინააღმდეგ გამართავს.