გულშემატკივრები კაირი ირვინგს აკრიტიკებენ!
"ბრუკლინ ნეტსის" ლიდერი კაირი ირვინგი კვლავ საყოველთაო ყურადღების ცენტრშია მოქცეული.
კაირის გარშემო აგორებული სკანდალის სათავე ანტი-სემიტური შინაარსისა და დეზინფორმაციის შემცველ ფილმს უკავშირდება. რამდენიმე დღის წინ, Twitter-ზე განთავსებულ პოსტში, "ბრუკლინის" მფლობელმა - ჯო ცაიმ, ირვინგი გააკრიტიკა და აღნიშნა, რომ მისი ქმედებით იმედგაცრუებულია.
საქმე ეხება დოკუმენტურ ფილმს, ("New World Order") რომელიც ანტი-სემიტურ შინაარსს ატარებს.
I’m disappointed that Kyrie appears to support a film based on a book full of anti-semitic disinformation. I want to sit down and make sure he understands this is hurtful to all of us, and as a man of faith, it is wrong to promote hate based on race, ethnicity or religion.
— Joe Tsai (@joetsai1999) October 29, 2022
როგორც ჩანს, "ბრუკლინის" მფლობელის ტვიტი ირვინგისათვის საგანგაშო აღმოჩნდა, რის შემდეგაც ამ უკანასკნელმა საჯაროდ სცადა საკუთარი პოზიციის ახსნა და გაუგებრობისთვის ბოდიში მოიხადა.
"ბრუკლინის" ფანებისთვის ირვინგის ბოდიში საკმარისი არ აღმოჩნდა. NBA-ის რეგულარული სეზონის მატჩში, რომელშიც "ბრუკლინი" გოგა ბითაძის "ინდიანას" დაუპირისპირდა, ფანები გამოჩნდნენ, რომელთაც სპეციალური მაისურები ეცვათ. "Fight Antisemitism" მაისურებში გამოწყობილი ფანები, ირვინგს გამოფხიზლებისკენ მოუწოდებნენ.
People were courtside at the Nets game wearing "Fight Antisemitism" shirts, this in the wake of Kyrie Irving's recent promotion of an antisemitic film on social media pic.twitter.com/GRCtDDHXCu
— Bleacher Report (@BleacherReport) November 1, 2022
აღსანიშნავია, რომ ეს არ არის პირველი შემთხვევა, როდესაც კაირი სკანდალში ეხვევა. "ბრუკლინის" ლიდერი საკუთარი აზრის დაფიქსირებას არასდროს ერიდება და ხშირად საზოგადოებისათვის მიუღებელ ან საზოგადოებრივი აზრის საწინააღმდეგო განცხადებებს აკეთებს.
სხვა სტატიები
.32.webp)
