ბექა ბურჯანაძე მატჩის საუკეთესო მოთამაშე გახდა

ესპანეთის მე-2 ლიგა LEB ORO-ში ბექა ბურჯანაძის "ლეიმა კორუნამ" მე-19 ტურის მატჩში "ფორცა ლეიდა" დაამარცხა.

ქართველი კალათბურთელი შეხვედრის საუკეთესო მოთამაშე გახდა, 28:35 წუთში მან 12 ქულა, 8 მოხსნა და 1 ასისტი დააგროვა.

ბექა ბურჯანაძის "ლეიმა კორუნა" 34 ქულით (15 მოგება, 4 მარცხი) ცხრილში პირველ ადგილზეა და ზედიზედ 8 მატჩში გამარჯვების მოპოვებას ახერხებს.