ანდრონიკაშვილი კარიერას სარაგოსაში გააგრძელებს

საქართველოს კალათბურთელთა ეროვნული ნაკრების წევრი - რატი ანდრონიკაშვილი, კარიერას ესპანურ "სარაგოსაში" გააგრძელებს.

ლიგა ენდესას ოფიციალურ გვერდზე გავრცელებული ინფორმაციით, ანდრონიკაშვილსა და "სარაგოსას" შორის შეთანხმება უკვე მიღწეულია და ქართველი კალათბურთელი კლუბს უახლოეს პერიოდში შეუერთდება. ანდრონიკაშვილს "სარაგოსაში" საქართველოს ნაკრების ნატურალიზებული მოთამაშე თად მაკფადენი დახვდება.

ლიგა ენდესას განვლილი 16 ტურის შემდეგ, "სარაგოსას" 7 მოგება და 9 მარცხი აქვს და სატურნირო ცხრილის მე-11 პოზიციაზე იმყოფება. მომდევნო მატჩს "სარაგოსა" 6 იანვარს "ჟირონას" წინააღმდეგ გამართავს.