19 ქულიანი მარცხი სამხრეთ სუდანთან - საქართველოს ნაკრების მეტოქე კვლავ განადგურდა
მსოფლიო ჩემპიონატისთვის მზადების ფარგლებში გამართულ ამხანაგურ შეხვედრაში, სამხრეთ სუდანის საკალათბურთო ნაკრებმა ვენესუელის ნაკრები, 19-ქულიანი სხვაობით, ანგარიშით 80:61 გაანადგურა.
ვენესუელა მთელი მატჩის განმავლობაში სამხრეთ სუდანის ნაკრების ფონზე, ძალიან ცუდად და უსუსურად გამოიყურებოდა. აღსანიშნავია, ის ფაქტი, რომ სამხრეთ ამერიკელებმა ოთხივე მეოთხედი დათმეს.
🇸🇸🙌🏿#WinForSouthSudan pic.twitter.com/AhtgQ8QH5U
— South Sudan Basketball (@SSBFed) August 16, 2023
აღსანიშნავია ის ფაქტი, რომ ვენესუელელებმა მსოფლიო თასამდე 5 ამხანაგური მატჩი გამართეს, სადაც ყველა მატჩში: არგენტინის, ესპანეთის, საფრანგეთის, ავსტრალიისა და სამხრეთ სუდანის ნაკრებებთან დამარცხდნენ.
მსოფლიო ჩემპიონატამდე სამხრეთ ამერიკელები კიდევ ერთ ამხანაგურ მატჩს, ბრაზილიის წინააღმდეგ გამართავენ. ეს ამხანაგური მატჩი 17 აგვისტოს, თბილისის დროით 11:30 საათზეა ჩანიშნული.
შეგახსენებთ, 2023 წლის მსოფლიო ჩემპიონატი 25 აგვისტოდან 10 სექტემბრის ჩათვლით ჩატარდება. საქართველოს ეროვნული საკალათბურთო ნაკრები F-ჯგუფში სლოვენიას, ვენესუელასა და კაბო-ვერდეს დაუპირისპირდება. საქართველოსა და ვენესუელას დაპირისპირება 30 აგვისტოს შედგება.
სხვა სტატიები
