ტრავმირებულმა მესიმ მოედანი ნაადრევად დატოვა

"ინტერ მაიამიმ" მორიგი დამაჯერებელი გამარჯვება მოიპოვა და "ტორონტოს" 4 უპასუხო გოლი გაუტანა, თუმცა, კლუბის გულშემატკივრები ერთმა გარემოებამ შეაშფოთა - არგენტინელმა სუპერვარსკვლავმა მოედანი ნაადრევად, 37-ე წუთზე დატოვა.

ასევე საგანგაშოა ის გარემოება, რომ მესის გასვლამდე 2 წუთით ადრე, მოედანი ხორდი ალბამაც დატოვა, რაც 28 სექტემბერს გასამართი US-Open-Cup-ის ფინალის წინ, ნამდვილად მძიმე დარტყმაა. "ინტერ მაიამის" მთავარი მწვრთნელი - ხერარდო მარტინო, ოპტიმისტურადაა განწყობილი და იმედოვნებს, რომ მესი და ალბა ფინალში თამაშს შეძლებენ.