The Athletic: "10 მიზეზი იმისა, თუ რატომ იყო ეს მატჩი ყველაზე სახალისო"

პარი სენ-ჟერმენისა და ბაიერნის მატჩს, შესაძლოა, სრულად არ ჰქონდეს პრეტენზია ჩემპიონთა ლიგის ყველა დროის საუკეთესო თამაშზე, მაგრამ ის ნამდვილად იგრძნობოდა, რომ ადგილს დაიკავებს ყველაზე სასიამოვნო, ყველაზე ამაღელვებელი და ყველაზე სახალისო მატჩების სიაში, რაც კი ოდესმე ამ ტურნირს უნახავს.

აქ ჩამოთვლილია 10 მიზეზი, თუ რატომ არის ასე:

1) ახალი ისტორია დაიწერა

ერთ თამაშში ცხრა გოლის წყალობით, ეს ჩემპიონთა ლიგის ნახევარფინალური ეტაპის ყველაზე უხვგოლიანი თამაში გახდა. პირველ ტაიმში ხუთი გოლიც რეკორდი იყო. თუ ისინი ოთხშაბათს კიდევ ხუთ გოლს გაიტანენ, ნახევარფინალში ორმატჩიანი რეკორდის მოხსნას შეძლებენ (ამჟამად ეს რეკორდი ერთობლივად ეკუთვნით ინტერი/ ბარსელონას“ (7:6- წინა წელს) და ლივერპული/რომას იმავე ანგარიშს (2018 წელი).

2) ორი დაუნდობელი შეტევითი გუნდი (რომლებიც არ დაიღალნენ)

თამაშისადმი მათი რეფლექსიური დამოკიდებულება იყო ის, რამაც ეს თამაში წარმოუდგენლად სასიამოვნო გახადა. ორივე მათგანი უზარმაზარი თავდაჯერებულობით თამაშობდა, მაგრამ ასევე გამბედაობით და ცოდნით, რომ ეს მაღალი რისკის მიდგომა იყო, რაც მათ დაცვაში დაუცველს ხდიდა. ესაა ორი გუნდი, რომლებიც თავისი სიძლიერის პიკში არიან, თითქმის საუკეთესო თერთმეტეულით - ორივეს ჰქონდა სიახლე და სიცოცხლისუნარიანობა, რომლის შეთავაზება სხვა გუნდებს, შესაძლოა, სეზონის ამ ეტაპზე არ შეუძლიათ.

3) ოლისე

მაიკლ ოლისემ განაგრძო მწვერვალზე აღმასვლა(ერთ-ერთ უდიდეს სცენაზე ბრწყინვალე თამაშით). განსაკუთრებით პირველ ტაიმში, სლალომის ფრანგი მოყვარული აოცებდა პსჟ-ს ყველა მცველს, ვისაც მის წინააღმდეგ ერთი-ერთზე იზოლაციის 'ბედნიერება' (უბედურება) ჰქონდა.

4) კვარაცხელია

ერთადერთი მოთამაშე, რომელიც ოლისეს ბრწინვალებით ეჯიბრებოდა იყო ხვიჩა კვარაცხელია, მან 2-ჯერ გაუტანა ნოიერს და აჩვენა, თუ როგორ უნდა თამაშობდეს ფლანგის თანამედროვე ფეხბურთელი.

5) მსაჯებთან დაკავშირებული დავა

რა თქმა უნდა, VAR-თან დაკავშირებული დავა არასდროსაა სახალისო, მაგრამ პსჟ-ს პენალტის ეპიზოდი დაძაბული მომენტი იყო და ყველა დიდ თამაშს სჭირდება ასეთი რამ. დემბელეს ჩაწოდება ალფონსო დევისის ჯერ ბარძაყზე მოხვდა, შემდეგ კი ხელზე აუგორდა - სიმართლე რომ ვთქვათ, The Athletic-ის ექსპერტმა გრეჰემ სკოტმა გააკრიტიკა მსაჯი და თქვა, რომ „ძალიან ცუდი გადაწყვეტილება“ იყო.

6) დიდ თამაშებში PlayStation-ის ფეხბურთის თამაში შეიძლება

იმ დღეს, როდესაც ჟოზე მოურინიო რეალ მადრიდში დაბრუნებასთან დააკავშირეს, ეს იყო შესანიშნავი მაგალითი იმისა, თუ როგორ უნდა ააშენონ თავიანთი საფეხბურთო გუნდები მაღალი დონის ევროპულმა კლუბებმა, რომლებსაც ბევრი ფული აქვთ.

7) ეს იყო მოსაწყენი პრემიერ ლიგის ანტიდოტი

ვერ იფიქრებდით, რომ ამჟამად პრემიერ ლიგის არც ერთი მატჩი არ არსებობს, რომელსაც შეუძლია ამ დონის დადება. არცერთი შორეული გასროლა არ ყოფილა, სამაგიეროდ, 9 გოლიდან მხოლოდ 1 გავიდა კუთხურიდან.

8) "პარკ დე პრენსის“ აურა

შესანიშნავ თამაშს შესანიშნავი გარემო სჭირდება და პარიზის ცნობილმა, ძველმა სტადიონმა ეს ყველაფერი იდეალურად შეასრულა.

9) ბრწყინვალე მოთამაშეების მხრიდან მომენტების გაფუჭება

ეს იყო შესანიშნავი, გოლებით დატვირთული მატჩი, სადაც ბევრი ზუსტი დარტყმა იყო: პსჟ-მ კარში მხოლოდ ხუთი დარტყმა განახორციელა და ხუთივე გაიტანა, ხოლო ბაიერნმა კარში რვა დარტყმიდან ოთხი გოლი გაიტანა.

დემბელემ და ოლისემ შესანიშნავი მომენტები გაანიავეს, იყო მაიულუს დარტყმაც, რომელიც ხარიხას მოხვდა.

10) მომავალ კვირას კიდევ 90 წუთი (ან მეტი) გველის

ალბათ არსებობს მოსაზრება, რომ ეს ფინალი უნდა ყოფილიყო, მაგრამ ნეიტრალურ მოედანზე, ერთ თამაშში, გუნდები ასე უდარდელად იქნებოდნენ?!

საბედნიეროდ, მომავალ ოთხშაბათს კიდევ 90 წუთი გვექნება (სულ მცირე) - ამ დროს სხვა არაფერი იქნება დასაგეგმი.

მომზადებულია The Athletic-ის მიხედვით.