საქართველოს ნაკრების შემადგენლობა ჩეხეთის წინააღმდეგ

ევროპის ჩემპიონატის დასრულების შემდეგ, ქართველი გულშემატკივარი, საქართველოს საფეხბურთო ნაკრების თამაშს პირველად იხილავს. ჩვენი გუნდი ერთა ლიგის პირველ შეხვედრაში ჩეხეთს უმასპინძლებს, მატჩი 20:00 საათზე, მიხეილ მესხის სახელობის სტადიონზე დაიწყება.

ეს ორი ნაკრები ისტორიაში მეორედ ხვდება ერთმანეთს. პირველი მატჩი სწორედ ევროპის ჩემპიონატზე, F ჯგუფის მეორე ტურში შედგა და ფრედ 1:1 დასრულდა. საქართველომ ერთა ლიგის B დივიზიონამდე D და C დივიზიონებიც გამოიარა, ხოლო ჩეხეთი A დივიზიონიდან დაქვეითდა B-ში.

ჩეხეთთან მატჩისთვის საქართველოს ნაკრების ძირითადი შემადგენლობა ასეთია:

მეკარე: გიორგი მამარდაშვილი

მცველები: ოთარ კაკაბაძე, ლაშა დვალი, გურამ კაშია, გიორგი გველესიანი, ლუკა ლოჩოშვილი

ნახევარმცველები: გიორგი ქოჩორაშვილი, ოთარ კიტეიშვილი, გიორგი ჩაკვეტაძე

თავდამსხმელები: ხვიჩა კვარაცხელია, გიორგი მიქაუტაძე