კვარა - ყველაზე სარფიანი ტრანსფერი ნაპოლის ისტორიაში

ხვიჩა კვარაცხელიას "პარი სენ-ჟერმენში" გადასვლა "ნაპოლის" ისტორიაში ყველაზე მომგებიანი გარიგებაა. transfermarkt-ის ცნობით, ნეაპოლელები ჯამში 75 მილიონ ევრომდე მიიღებენ მაშინ, როცა ხვიჩა სულ რაღაც 10 მილიონად შეიძინეს.

ფაბიან რუისი, ეზეკიელ ლავეცი და ედინსონ კავანი ნაპოლის ტოპ 10 ყველაზე მომგებიან სიაში მოხვდნენ და მათაც პარიზულ გრანდს მიაშურეს. მათ შორის უმაღლეს თანხად (64.5 მილიონი ევრო) ურუგვაელი თავდამსხმელი გაიყიდა.

ფასის მიხედვით, ხვიჩა მეორე ადგილზეა, რადგან ნაპოლიმ გონსალო იგუაინი "იუვენტუსში" 90 მილიონად გაუშვა, თუმცა ყიდვა/გაყიდვის ბალანსით, კვარაცხელია პირველ ადგილზეა. გონსალო იგუანი, 2013 წელს, ნაპოლიმ "რეალისგან" თითქმის 40 მილიონად შეიძინა.