პსჟ იმ სასტუმროში ვერ დარჩება, სადაც უნდოდა

ჩემპიონთა ლიგის ნახევარფინალში, ბაიერნსა და პარი სენ-ჟერმენს შორის მეორე დაპირისპირების წინ, სასტუმროსთან დაკავშირებით, პარიზელებს საკუთარი მოთხოვნა ჰქონდათ - მიუნხენურმა გუნდმა მეტოქეს 'საცხოვრებელი' არ დაუთმო.

როდესაც პსჟ-მ ,2025 წლის მაისში ჩემპიონთა ლიგა მოიგო, გუნდი მიუნხენის გარეუბან უნტერშლაიშჰაიმში, სასტუმრო „ინფინიტში“ გაჩერდა - საცხოვრებელში, რომელიც მათ იმ დროს უეფამ გამოუყო. ამჯერად ფრანგულ გუნდს შესვლაზე უარი ეთქვა.

მიზეზი: სასტუმრო თავად ბაიერნმა დაჯავშნა. ოთხვარსკვლავიანი სასტუმრო, წლების განმავლობაში, ბაიერნის საცხოვრებელი იყო - საშინაო მატჩების წინ. ეს სასტუმრო 'ალიანც არენადან' დაახლოებით 20 კილომეტრში მდებარეობს. 'რეკორდმაისტერს' არ სურდა, ნახევარფინალური საპასუხო მატჩის წინ ეს ნაცნობი გარემო მოეკლოთ.

BILD-ის ცნობით, ლუის ენრიკეს გუნდი შვაბინგერ ტორში მდებარე Andaz-ის სასტუმროში დაბინავდება.