პსჟ 1/8-ფინალშია - პარიზული გუნდის სავარაუდო მეტოქეები

მსოფლიოს საკლუბო ჩემპიონატის მე-3 ტურში პარი სენ ჟერმენმა სიეტლ საუნდერსი 2:0 დაამარცხა.

დღევანდელი გამარჯვების შემდეგ, პსჟ-მა ჯგუფში პირველი ადგილი დაიკავა და პლეი-ოფის საგზური გაიფორმა.

მერვედფინალში პარიზელთა მეტოქე A ჯგუფის მეორეადგილოსანი იქნება. ბოლო ტურის წინ, A ჯგუფში მე-2 პოზიციას ლეო მესის ინტერ მაიამი იკავებს.

დღეს ინტერ მაიამი პირველადგილოსან პალმეირასს ეთამაშება, თუ მატჩი ფრედ დასრულდება, მერვედფინალში ორივე გუნდი გავა და პსჟ-ს მეტოქე სწორედ ამერიკული კლუბი იქნება.

მომდევნო ეტაპზე გასვლის შანსი პორტუსა და ალ აჰლის შეხვედრაში გამარჯვებულსაც ექნება, თუმცა ეს გუნდები საკუთარ თავზე დამოკიდებულნი არ არიან.