პედრიმ ბარსელონასთან ახალი კონტრაქტი გააფორმა

ნიჭიერმა ესპანელმა ცენტრალურმა ნახევარმცველმა, პედრიმ "ბარსელონასთან" კონტრაქტი გაახანგრძლივა.

22 წლის ფეხბურთელმა და კატალონიურმა გრანდმა თანამშრომლობის ხელშეკრულება 2030 წლამდე გაახანგრძლივეს.

კანარის კუნძულებზე დაბადებული ფეხბურთელის ტრანსფერი "ბარსელონაში" 2019 წელს, "ლას პალმასიდან" შედგა, როცა კატალონიელებმა გრან კანარიულ გუნდს 23 მილიონი ევრო გადაუხადეს.

ევროპის 2024 წლის ჩემპიონმა "ბარსელონაში" 175 მატჩში მიიღო მონაწილეობა, 24 გოლი გაიტანა, 17 საგოლე პასი გააკეთა და ლა ლიგა, ესპანეთის თასი და ორჯერ ესპანეთის სუპერ თასი მოიგო.