მესი კვარას წინააღმდეგ | პსჟ ინტერ მაიამის შეხვდება

მსოფლიოს საკლუბო ჩემპიონატის 1/8 ფინალური ეტაპის 2 წყვილი უკვე ცნობილია. პსჟ პლეი ოფის პირველივე ეტაპზე ინტერ მაიამის შეხვდება, შესაბამისად, ხვიჩა კვარაცხელიასა და ლეო მესის დაპირისპირებაც შედგება.

ინტერ მაიამიმ A ჯგუფში 5 ქულით მეორე ადგილი დაიკავა, ხოლო პსჟ-მ B ჯგუფში პირველი - ამ ძალიან საინტერესო მატჩს 29 ივნისს ვიხილავთ.

ვიცით მეორე მერვედფინალური წყვილიც - 28 ივნისს ერთმანეთს ბრაზილიური კლუბები, პალმეირასი და ბოტაფოგო დაუპირისპირდებიან.