მასკერანომ მესი დაასვენა, წააგო და ბოდიშს იხდის

"ინტერ მაიამიმ" MLS-ის 2025 წლის სეზონში პირველი მარცხი განიცადა, გუნდი "ჩეის სტეიდიუმზე" "დალასთან" 3:4 დამარცხდა. აღსანიშნავია, რომ მასკერანოს გუნდი 65-ე წუთამდე 3:1-ს იგებდა, ამიტომ თამაშის ხასიათის ასეთ უცაბედ ცვლილებაზე პასუხისმგებლობა მწვრთნელმა აიღო.

დალასთან მატჩი ლეო მესიმ, ლუის სუარესმა, სერხიო ბუსკეტსმა და ხორდი ალბამ გამოტოვეს. ყოფილი კატალონიური ოთხეულის არყოფნას მხოლოდ ერთი მიზეზი აქვს - მწვრთნელმა მათი დასვენება დაგადაწყვიტა, რადგან შუა კვირაში, კონკაფის თასზე, "ვანკუვერთან" უნდა ითამაშონ, ინტერ მაიამის პირველი მატჩი 2:0 აქვს წაგებული.

MLS-ში ჩატარებული 9 თამაშის შემდეგ, ინტერ მაიამის 18 ქულა აქვს და ამ შედეგით აღმოსავლეთ კონფერენციის მეხუთე ადგილს იკავებს. ლეო მესის ანგარიშზე 3 გოლი და 2 საგოლე გადაცემაა.