ითამაშებს ბარსელონას ყოფილი ტრიო ამერიკის ALL STAR-ში?

23 ივლისს, ამერიკაში, ყველა ვარსკვლავის მატჩი გაიმართება. მიუხედავად იმისა, რომ MLS-ის ALL STAR-ის თამაში 1996 წლიდან ტარდება, ფორმატი და მოწინააღმდეგეები წლების განმავლობაში მრავალჯერ შეიცვალა. 2021 წლიდან, ლიგა MX (მექსიკის ჩემპიონატი) MLS-ის რეგულარული მეტოქე გახდა, სადაც ორივე ჩემპიონატს საკუთარი საუკეთესოები გამოჰყავს.

საქმე ისაა, რომ ორშაბათს, MLS-ის ყველა ვარსკვლავის პირველ ვარჯიშზე სამი მთავარი სახელი არ იყო: ლიონელ მესი, ხორდი ალბა და სერხიო ბუსკეტსი. მატჩი ოთხშაბათს, ოსტინში, Q2 სტადიონზე, Liga MX-ის ყველა ვარსკვლავის წინააღმდეგ გაიმართება, მაგრამ გაურკვევლობა რჩება, გავა თუ არა მოედანზე ინტერ მაიამის სამი ვარსკვლავი - განსაკუთრებით მესი, რადგან ის ბოლო თვეა ზედმეტ დატვირთვას იღებს.

MLS-ის ყველა ვარსკვლავის მწვრთნელი, ნიკოლას ესტევესი, ვერ ადასტურებს, რომ მესი მის განკარგულებაში იქნება.

აღსანიშნავია, რომ რეგულარული ჩემპიონატი, ყველა ვარსკვლავის მატჩიდან 2 დღეში განახლდება, ჯერ კიდევ არ არის ნათელი, რამდენ წუთს მიიღებს მესი (ან მიიღებს თუ არა საერთოდ), განსაკუთრებით მას შემდეგ, რაც ხავიერ მასკერანომ მაიამის ვარსკვლავს დასვენება შესთავაზა.