ლუის ენრიკე მარსელთან მოგებაზე: "კარგად მხოლოდ მეორე ტაიმი ჩავატარეთ"
3 საათის წინ
ფეხბურთი
1 წთ
პარი სენ-ჟერმენის თავკაცმა, ლუის ენრიკემ, ლიგა 1-ის მე-5 ტურში მარსელზე მოპოვებული გამარჯვება (1:2) შეაფასა. ესპანელმა სპეციალისტმა აღნიშნა, რომ მატჩმა მოლოდინები სრულად გაამართლა - პირველ ტაიმში შექმნილი სირთულეების მიუხედავად, პარიზელებმა შესვენების შემდეგ თამაშში გარდატეხა შეძლეს და შთამბეჭდავი მეორე ნახევარი ჩაატარეს.
შესვენებაზე განსაკუთრებული არაფერი მითქვამს. ვფიქრობ, ზუსტად ისეთი მატჩი ვიხილეთ, როგორიც მოსალოდნელი იყო - ურთულესი. ყველა ამბობდა, რომ იოლი გასეირნება გველოდა, თუმცა „ველოდრომზე“ თამაში მარტივი არასდროს არის. შეხვედრის საწყის ეტაპზე საკუთარი თამაშის თავს მოხვევას ვცდილობდით, თუმცა მეტოქის ორგანიზებული დაცვის გამო ცოტა შანსი გვქონდა. მეორე ტაიმში კი სურათი რადიკალურად შეიცვალა და, ჩემი აზრით, ფანტასტიკური ნახევარი ჩავატარეთ.
ახლა სატურნირო ცხრილში ისეთ პოზიციაზე ვართ, რომელსაც ჩვეულები არ ვართ, თუმცა მთავარი მაინც დერბიში გამარჯვებაა. „კლასიკო“ ჩვენი გულშემატკივრებისთვის განსაკუთრებული მატჩია და მისი ფასი თითოეულმა ჩვენგანმა შესანიშნავად იცოდა.
როგორც მწვრთნელი, ყოველთვის ვცდილობ გუნდს ის მივცე, რაც კონკრეტულ მომენტში სჭირდება. თუ ვგრძნობ, რომ მეტი ენერგიაა საჭირო, ამის გამოხატვა არ მიჭირს, თუმცა სიმშვიდის შენარჩუნება ხშირად უფრო რთული ამოცანაა.
დღეს ბიჭებმა მოედანზე მაქსიმუმი გაიღეს. კიდევ ერთხელ გავიმეორებ: მატჩის წინ ბევრი ფიქრობდა, რომ ადვილად მოვიგებდით, თუმცა რეალობა სულ სხვა აღმოჩნდა. - განაცხადა ლუის ენრიკემ
პსჟ-მ მარსელს ფერან ტორესისა და მარკინიოსის გოლებით მოუგო. შეგახსენებთ, რომ ფერან ტორესმა ხვიჩა კვარაცხელია შეცვლა (ეს ენრიკეს პირველი ცვლილება იყო / 59-ე წუთზე). ტორესმა ანგარიში შემოსვლიდან 6 წუთში გახსნა.
5 ტურის შემდეგ პსჟ-ს 8 ქულა აქვს და მეექვსე ადგილზეა.
.70.webp)
სხვა სტატიები
.32.webp)
