კვარაცხელია სასტარტოში დაბრუნდა | ხვიჩა ლივერპულის წინააღმდეგ ძირითადში იქნება

დღეს “ნაპოლი” მორიგ ჩემპიონთალიგურ შეხვედრას გამართავს. იტალიელთა მეტოქე “ლივერპული” იქნება, რომელიც ერთხელ უკვე დაამარცხეს. “დიეგო არმანდო მარადონაზე” გამართული შეხვედრა ინგლისელებმა 1:4 დათმეს. დღევანდელი მატჩი იურგენ კლოპის გუნდისთვის ძალიან მნიშვნელოვანია. თუ ისინი "ნაპოლის" 4-ბურთიანი უპირატესობით დაამარცხებენ, ჯგუფში პირველ ადგილს დაიაევებენ და 1/8 ფინალში შედარებით სუსტი მეტოქე შეხვდებათ.

რამდენიმე წუთის წინ, “ნაპოლის” სასტარტო თერთმეტეული გამოქვეყნდა, სადაც კვარაცხელიას გვარს ამოვიკითხავთ. შეგახსენებთ, რომ სპალეტიმ წინა ჩემპიონთალიგურ შეხვედრაში, "რეინჯერსის" წინააღმდეგ, ხვიჩას დასვენება გადაწყვიტა.

აღნიშნული მატჩი დღეს, თბილისის დროით, 23:55 საათზე დაიწყება. ინგლისურ-იტალიურ დაპირისპირებას "ლივერპულის" საშინაო სტადიონი "ენფილდი" უმასპინძლებს.