Belive

კვარაცხელია 50-ეულს მიღმა | ყველაზე ძვირადღირებული ფეხბურთელები Football Ranked-ის ალგორითმის მიხედვით

4 საათის წინ ფეხბურთი
2 წთ

პლატფორმა Football Ranked-მა 50 ყველაზე ძვირადღირებული ფეხბურთელის სია გამოაქვეყნა. მათი ღირებულება მხოლოდ ალგორითმულად, მატჩებში ნაჩვენები შედეგებითაა გამოთვლილი, ყოველგვარი ადამიანური მოსაზრებისა და სუბიექტურობის გარეშე. სწორედ ამიტომ, ტოპ-50-ში მაღალ პოზიციებზე გვხვდებიან ისეთი ფეხბურთელებიც, რომელთა საბაზრო აღქმა ხშირად განსხვავდება კლასიკური სატრანსფერო რეიტინგებისგან.

ტოპ-50-ში ხვიჩა კვარაცხელია ვერ მოხვდა. პარი სენ-ჟერმენის ქართველი შემტევის ღირებულება 85,8 მილიონ ევროს შეადგენს. ამასთან, Football Ranked-ის ლიგა 1-ის შეფასებებში კვარაცხელია რეიტინგის მე-7 პოზიციაზეა.

50-ეულში ყველაზე მეტი - 8 ფეხბურთელი მანჩესტერ სიტიდანაა, 6-6 რეალიდან, ბარსელონადან, პსჟ-დან და არსენალიდან, 3-3 წარმომადგენელი ჰყავს ბაიერნსა და ბრაიტონს, 2-2 - ტოტენჰემსა და ჩელსის, თითო-თითო კი ლივერპულს, ასტონ ვილას, რომას, ლაიფციგს, დორტმუნდს, ნიუკასლს, ატლეტიკოსა და კომოს:

  1. ლამინ იამალი - 250 მილიონი ევრო

  2. მაიკლ ოლისე - 211,1 მილიონი ევრო

  3. პაუ კუბარსი - 200 მილიონი ევრო

  4. ერლინგ ჰოლანდი - 176 მილიონი ევრო

  5. კილიან მბაპე - 171,6 მილიონი ევრო

  6. დეზირე დუე - 167,9 მილიონი ევრო

  7. რაიან შერკი - 157,5 მილიონი ევრო

  8. ჯუდ ბელინგემი - 153 მილიონი ევრო

  9. არდა გიულერი - 144,7 მილიონი ევრო

  10. ელიონტ ანდერსონი - 141,7 მილიონი ევრო

  1. ნიკო პასი - 86,1 მილიონი ევრო

  2. ხვიჩა კვარაცხელია - 85,8 მილიონი ევრო

  3. შარლ დე კეტელარე - 85,7 მილიონი ევრო

აბსოლუტურად განსხვავებულ მონაცემებს გვთავაზობს Transfermarkt. მაგალითისთვის, პორტალი კვარას 140 მილიონ ევროდ აფასებს, მასზე ძვირადღირებული ფეხბურთელები კი მსოფლიოში მხოლოდ ლამინე იამალი, ერლინგ ჰოლანდი, კილიან მბაპე, მაიკლ ოლისე, ჯუდ ბელინგემი და პედრი არიან.


სხვა სტატიები