კვარა ბარსელონასთან გოლს რონალდუს სტილში აღნიშნავს?

აღნიშნავს თუ არა ხვიჩა კვარაცხელია გოლს რონალდუს სტილში ბარსელონას წინააღმდეგ?

უეფას ჩემპიონთა ლიგაზე, პარი სენ-ჟერმენისა და ბარსელონას დაპირისპირებამ, შესაძლოა, მოედნის მიღმაც შემოგვთავაზოს ინტრიგა. ფრანგული კლუბის ერთ-ერთმა ვარსკვლავმა პირობა დადო, რომ შემდეგი გატანილი გოლის აღნიშვნისას, კრიშტიანუ რონალდუს ცნობილ ჟესტს გაიმეორებს.

ამ პირობის უკან სწორედ ხვიჩა კვარაცხელია დგას - ყველაფერი 11 ოქტომბრის პირდაპირ ეთერს უკავშირდება, რომლის დროსაც, ქართველი გარემარბი და ცნობილი ამერიკელი კონტენტ-კრეატორი„IShowSpeed“ (აიშოუსპიდი) საუბრობდნენ - ადამიანი, რომელიც კრიშტიანუ რონალდუსადმი თავისი უდიდესი ვნებითაა ცნობილი.

საუბრისას „სპიდმა“ ხვიჩას სთხოვა, რომ შემდეგი გოლის გატანისას რონალდუს აღნიშვნის სტილი გაემეორებინა. ფეხბურთელმა თანხმობა განაცხადა, რითაც მისი მომავალი გოლის აღნიშვნა ორივე ვარსკვლავის გულშემატკივრებისთვის აქტიური განხილვის თემად აქცია. კვარაცხელიამ მანჩესტერ სიტისა და სტრასბურგის წინააღმდეგ გამართულ მატჩებში გოლის გატანა ვერ შეძლო, ამიტომ ბარსელონასთან დაპირისპირება მას ახალ შანსს აძლევს, რომ სიტყვა შეასრულოს.

თუ კვარა გაიტანს, შესაძლოა, თვალი ვადევნოთ იმავე „სიუუუ“-ს აღნიშვნას, რომელსაც რონალდუ ევროპული სტადიონების ტრიბუნების წინაშე ასე ხშირად აკეთებდა. ამჯერად კი, ეს მოხდება ისეთი მეტოქის წინააღმდეგ, რომლისთვისაც მსგავსი ზეიმი განსაკუთრებულ დატვირთვას ატარებს და განსაკუთრებულად უსიამოვნო იქნება.